Azaroaren 11an Usansolotik Areatzara joan ginen bigarren
zikloko ikasle guztiak. Hasieran oso eguraldi txarra izango genuela pentsatu
genuen, baina ailegatu ginenean eguraldi itzela zegoen gure zain. Hau poza!
Hor bi monitore, biak neskak, zeuden prest gu hartzeko
eta, hasteko, interpretazio – zentroan sartu gintuzten: inguruko paisaia
aztertu, paisaia nola zaindu ikasi, horko fauna eta flora ikusi …
Amaitu ondoren, ondoan zegoen aterpe batean egin genuen
hamaiketako. Zer gose eta goxo!
Autobusera berriro eta Sandropora abiatu ginen. Azaldu
ziguten zer zen “ginkana”: mapa bat eskuan, taldeka, paisaiako elementu
ezberdinak topatu beharko genituen eta orri batean apuntatu (likena, landarea,
orria, pinaburua, animalien arrastoak …).
Azkenik, Sandropon zegoen landa polit batean bazkaldu eta
jolastu genuen.
Oso ondo pasatu genuen eta prest gaude bueltatzeko.
Gainera, monitoreak oso majuak ziren …
No hay comentarios:
Publicar un comentario